ياصاحبي

ياصاحبي خليتني بأقسى ظروف مـن الحيـاة
مديـت كفـي يـم كفـك وأنـت مامديتهـا
شريت قربك وأعتبرته لي عـز ولـي جـاه
ياللي ليا شفتك مشاعـر خاطـري حاكيتهـا
وشلون يهدم عاقل صـرح مشيـد قـد بنـاه
وأنت صداقتنا سبب طـول الغيـاب أنهيتهـا
أعطاك قلبي من غلاه..ومن وفاه..ومن دفـاه
وأنت حياتي غير جرح البعد ويش أعطيتهـا
كنه موصيني عليك أصدق محبينـي وصـاه
وكنه موصينـك علي-ألـد مـن عاديتهـا-
ياصاحبـي مـن هـو ماوطـى همه..وطـاه
وإن كانت شاغلك الهموم..ياشيخ يخرب بيتها
ولاصار وصلك ياخـوي العـز هـذا منتهـاه
أباصلك لو إن نفسي مـن وفـاي أشقيتهـا
ياصاحبي رغم إني أتعب من خفوقك..من جفاه
تبـي الحقيقـة( إنـي أبنسـاك) ماظنيتهـا

كلمات تفوق الوصف
أشكركـ على ذوقكـ أخوي

يعطيك العافيه::

ياصاحبـي مـن هـو ماوطـى همه..وطـاه
وإن كانت شاغلك الهموم..ياشيخ يخرب بيتها



أبيات أغرقتني بين حروفها ووصوفها


رائعه بكل مافيها



ولكن أخي إذا كانت لك فلك الحق ان تكتب وتنشر تحت اسمك


وان كانت منقوله ياليت ماتهضم حق صااحبها وتكتب منقوله عن فلان




تقبل مروري بصدر رحب