الأمل ضايع .. ولكن .. الأماني مو حرام~

ضاق صدري و رحت افضفض قاصد ٍ نفس الرصيف !
شفت نور الحي زايد و آنا خبري به ظلام



و الغريب انه خفوقي زاد نبضه .. مدري كيف !!
كني طفل ٍ .. يبكي .. خايف .. ضايع ٍ وسط الزحام


اثْرها كانت وراي .. و الضيا ما كان طيف
قبل ما اوقف و اسلّم .. قلبي المشتاق قام


ما طرى في بالي الا (يا بَخَت من لك وليف )
عينها بعيني .. و نظره .. رجعتني كم عام


فجأه شفت اشجار تخضر و هْيَ في عز الخريف
و هذا هو حال المفارِق يوم يطري له الغرام


يبتسم .. يشبه بشوقه .. للنظر شخص ٍ كفيف
الأمل ضايع .. ولكن .. الأماني مو حرام


الثواني تمر و تمضي .. اشهد ان الوقت سيف
فجأه قالت ( كيف حالك ) قبل ما ارمي السلام !


كنت احسْب اني قوي .. لين اكتشفت احساسي زيف
ما عرفت انطق بكلمه .. شاعر و خانه الكلام !!!


كيف اقول اني بخير و باين بقلبي النزيف ؟
و الملامح بان فيها عين ما عادت تنام


مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )


و انسحبت بْلا تردد لني انسان ٍ ضعيف
و القوي لا شاف موته .. يوم يضعف ما يلام



\


/


\


لـ رائع لـ اعرفـة . .!!

كلمة ذوق ومتميز ..احسها قليله ان تقال في شخصك ..

انت مبدع بمعنى الكلمة وابداعك يفوق الوصف اينما تكون واينما نجدك

راعئة الكلمات والأروع هو ميولك فالقراءات فحقا عرفت على ماذا تراهن واي الكلمات تنقل

فهنياء لنا بهـــذا النقل عزيزي






صع صع

قصيدة روعه

وكلمات تصويرية متسلسلة ومترابطة ومؤثرة

ذائقة راقية ردار..

مشكوور..

رااااااااااائع والله راااااااائع

صح لسان كاتبها


نجح في توصل المشاعر بدقه !!!


رائع في النقل

يعطيك العافيه رادار

قصيده رائعه والاروع هو احساسك
شكرا